影片
更多
2009-06-09
30 瀏覽
我就住係附近,幫襯過3次咁多啦~原因係我多數自己煮野食,一唔係就叫外賣,呢間野最唔好就係唔送外賣,要自己落街買,唔係好方便,因為落得街都買到一袋二袋,仲要拎麵食,好怕倒潟。今日冇咩野拎,又唔想煮野食,就買左碗金姑肥牛卷攦粉,肥牛攦粉同埋桂花茶。金姑肥牛卷攦粉$17一碗,有3舊金姑卷,仲有好多爽口配菜,真係好抵食,我要左麻辣(中辣)湯底,個湯底味道普通啦~唔好期望會係正宗麻辣,似係用李x記麻辣火鍋湯包溝出黎咁,不過配左木耳,芽菜,豆角,芹菜同甘筍絲都幾惹味。至於攦粉既樣就似粗身既米線,但就唔似得米線咁有米香,不過口感唔錯,幾彈,比米線口感好D。男友碗肥牛攦粉都幾多肥牛下~都係$17,D肥牛唔會太肥,食落冇想像中鞋口,算係咁啦~見有網友講過下桂花茶好正,就買黎試下啦~阿姐話跟餐加$5,唔跟餐唔知幾錢呢??不過幾錢都唔關我事,因為一開左個樽,一陣桂花香就飄入鼻端...但係!!!果陣味令我同男友都覺得好似淋浴露咁,想飲既意慾即時低左...但係買左冇理由唔試,飲左一啖,同佢既香味一樣:係清甜既桂花淋浴露!!!真係唔o岩我胃口,以後打死我都唔飲。睇佢既餐牌,小食好貴,仲貴過正餐,所以冇試。食3次都
今日冇咩野拎,又唔想煮野食,就買左碗金姑肥牛卷攦粉,肥牛攦粉同埋桂花茶。
金姑肥牛卷攦粉$17一碗,有3舊金姑卷,仲有好多爽口配菜,真係好抵食,我要左麻辣(中辣)湯底,個湯底味道普通啦~唔好期望會係正宗麻辣,似係用李x記麻辣火鍋湯包溝出黎咁,不過配左木耳,芽菜,豆角,芹菜同甘筍絲都幾惹味。至於攦粉既樣就似粗身既米線,但就唔似得米線咁有米香,不過口感唔錯,幾彈,比米線口感好D。
男友碗肥牛攦粉都幾多肥牛下~都係$17,D肥牛唔會太肥,食落冇想像中鞋口,算係咁啦~
見有網友講過下桂花茶好正,就買黎試下啦~阿姐話跟餐加$5,唔跟餐唔知幾錢呢??不過幾錢都唔關我事,因為一開左個樽,一陣桂花香就飄入鼻端...但係!!!果陣味令我同男友都覺得好似淋浴露咁,想飲既意慾即時低左...但係買左冇理由唔試,飲左一啖,同佢既香味一樣:係清甜既桂花淋浴露!!!真係唔o岩我胃口,以後打死我都唔飲。
睇佢既餐牌,小食好貴,仲貴過正餐,所以冇試。食3次都係食攦粉,因為咁既價錢有咁既味道同份量,真係好抵。
有次試左佢D龍鬚糖$10一盒(好似係3粒),有原味,朱古力味同士多啤梨味(仲有唔記得咩味),我買左朱古力同原味各一盒,D糖整得唔算靚,有少少散,味道冇街邊檔咁好食,朱古力味食唔出有咩特別,同原味一樣味,口痕想食龍鬚糖都食得過既,假如唔嫌貴的話。
張貼
