Rosemary Kitchen (已結業)

無留意原來April kitchen 已經搬左，入黎時重諗緊個餐牌好似唔同左，食完先知轉左餐廳。叫左個香煎里肌牛排，見到碟野心裡「哇」左聲。塊肉超大塊，重大過我個臉。食落口肉質幾嫩，味道都唔錯，個人食牛排重視口感多D，依個牛排肉唔韌或者柴口已經好加分。叫左蒜蓉汁，味道都ok既，但酷愛蒜頭既我覺得蒜蓉味唔夠竹，再多D蒜就好啦配菜重有我最鐘意既茄子，叫左薯菜，佢真係比好多薯角我……食完真係飽到上心口。感覺一碟都夠2個細食女仔食到飽餐廳有D細，同冷氣唔算太勁，食食下會覺得有DD熱。價錢138無收加一，包埋餐湯同野飲都ok抵食有下次。