堅信號上海生煎皇 (福榮街)

營業中

休息中

不少人都推介要試下堅信號既生煎包，難得黎到深水埗，就一次過買埋佢地招牌外婆紅燒肉返屋企，比錢先知單點有85折，原本想買埋糖豬排骨，但店員話依家冇賣😕生煎包｜$22/2個相當有驚喜，首先底部煎得好脆，包身睇落平平無奇，但一咬肉汁四射🤣食到有點狼狽，應該先吸一口肉汁先再咬肉餡，幾鮮味同埋包鬆軟唔油膩，食多個都唔覺滯👍🏻外婆紅燒肉｜$50每件紅燒肉煮得好入味，醬汁濃稠帶甜，清楚見到肥膏同瘦肉層層相疊🥰好邪惡不過肥膏入口即化，口感好軟腍