Pizza Piazza

營業中

休息中

今日同朋友黎呢D2睇戲，落車行過見到附近呢間不太起眼嘅Pizza店，見已經到食飯時間就試下，夜晚七點幾鐘都唔少客，坐低點咗一個晚市二人套餐，都幾豐富，可以點一個小食，兩款主食，都可以加錢要甜品，同埋已經包兩個嘢飲同埋兩個湯。頭盤我哋要咗大蝦沙律，份量非常足夠，而且dressing 方面，拌得非常均勻，大蝦亦都非常之爽彈，而且有芝士碎粒喺面，但係又唔會太過搶味。主菜來了，我哋叫咗一個Pizza同一個肉醬千層麵，Pizza方面係可以做half half 而且唔使加錢的，所以非常之好，唔使怕食食吓會厭，我哋點咗藍芝士牛肉Pizza同埋全肉樂園Pizza，大約各款切了4件。藍芝士嘅味道唔算太過強烈，所以唔食藍芝士嘅朋友都可以嘗試一下，牛肉量亦很多。全肉樂園Pizza用了都不少，茄汁底加上全部都係肉和洋蔥絲，啱晒我哋呢啲食肉獸。肉醬千層麵焗得啱啱好，芝士面層唔會太燶，而且醬汁唔會太淡，每一啖都好juicy。全部食物都有用心之處，值得一提女店員服務態度好好，係值得幫襯多次嘅餐廳。