君好扒燒西餐廳 (已結業)

上星期四晚，約左男朋友食晚飯，想据扒又想有啲新意，上網見呢間食評幾好，所以決定試一試。二人餐包括兩杯餐前酒、自助沙律bar 、主菜鐵板燒、自助甜品，加埋咖啡／茶，非常豐富。首先，先黎兩杯cocktail，好少餐廳食飯會包餐前酒，好特別！而自助沙律bar 選擇多，其中煙三文魚最好味，蒜茸飽亦不錯，又脆又好香蒜茸，正！到主菜，男友喜歡食肉，所以選擇了‘鮑魚拼牛排’，我就唔係太好肉，所以選擇左全海鮮‘鮑魚拼大蝦’。上菜時，waiter好耐心地講解如何燒，如何調味，仲有5款不同醬汁選擇，比你配搭燒好嘅肉一齊食。我嘅‘鮑魚拼大蝦’，鮑魚好爽，大蝦彈牙，好好味。 而男友嘅牛排，由於係自己控制燒嘅時間，所以可以食到真真正正嘅四成熟，好juicy，唔似係出面食扒，永遠都係過熟。最後係甜品，選擇亦算多，而餐飲我地都係選擇咖啡，waiter 仲比左一小杯橙甜酒黎配咖啡，非常特別。呢餐飯食得好開心，環境好適合靜靜地傾下計，加上酒店嘅服務質素，每人只係$350，好抵！一定會再黎！