影片
更多
2023-02-11
32 瀏覽
放假同朋友去行奧海城, 行到過哂Lunch 🍽️時間, 就係富榮花園附近搵食, 因個邊都有好多小店食肆。我地見到Casa di thali門面幾靚, 係門口睇下manu原來係印度菜＋意大利菜, 亦都可以食埋土耳其菜及素食, 全部都係無麩質薄餅🍕及意大利麵🍝。午餐menu選擇都幾豐富, 有齊前菜、主菜、飲品🍹/甜品🥧, 每part都有好多款選擇。我地叫左兩個set $168嘅Brunch!隨餐有一份麵包籃🥖, 有印度風薄脆, 本身略帶咸香, 微辣, 就咁食已經好惹味, 仲有烘過嘅法包片好香軟, 兩款都可以配清爽嘅蕃茄🍅salsa嚟食, 味道好夾。前菜分別叫左一個龍蝦蟹🦞🦀肉湯, 龍蝦蟹湯！真係出乎意料咁好飲！龍蝦味極度濃郁,帶有少少奶油香同羅勒葉香, 但係又唔會好漏, 絲絲蟹肉真係食到蟹嘅鮮味! 另一個叫咗Chicken 🍗Tikka, 係印度烤雞配香料及帶有少少薄荷乳酪🥣。烤雞好惹味, 用香料醃過再烤, 都幾嫩, 我好鐘意個薄荷醬, 配埋烤雞一齊食真係一流。Mains 就選擇咗Classic Margherita Pizza🍕, 一個經典嘅pizza。用咗自製嘅蕃茄🍅醬, 水牛芝士🧀,
午餐menu選擇都幾豐富, 有齊前菜、主菜、飲品🍹/甜品🥧, 每part都有好多款選擇。我地叫左兩個set $168嘅Brunch!
隨餐有一份麵包籃🥖, 有印度風薄脆, 本身略帶咸香, 微辣, 就咁食已經好惹味, 仲有烘過嘅法包片好香軟, 兩款都可以配清爽嘅蕃茄🍅salsa嚟食, 味道好夾。
前菜分別叫左一個龍蝦蟹🦞🦀肉湯, 龍蝦蟹湯！真係出乎意料咁好飲！龍蝦味極度濃郁,帶有少少奶油香同羅勒葉香, 但係又唔會好漏, 絲絲蟹肉真係食到蟹嘅鮮味!
另一個叫咗Chicken 🍗Tikka, 係印度烤雞配香料及帶有少少薄荷乳酪🥣。烤雞好惹味, 用香料醃過再烤, 都幾嫩, 我好鐘意個薄荷醬, 配埋烤雞一齊食真係一流。
Mains 就選擇咗Classic Margherita Pizza🍕, 一個經典嘅pizza。用咗自製嘅蕃茄🍅醬, 水牛芝士🧀, 同羅勒葉, 味道無得輸, 水牛芝士份量超多, 芝士香濃, 熔溶嘅芝士係可以拉絲, 餅底有少少厚度, 薄餅皮焗得非常香脆, 薄餅都少少, 可以share, 這個價錢可以吃到一個足料的薄餅真好抵。
另一個叫咗西冷牛扒🥩, 7成熟! 牛扒煎我好靚, 真係7成熟, 又嫩唔鞋, 有少少鹽調味。仲有幾款配菜, 有烤蘆筍, 烤翠玉瓜🥒, 蕃茄🍅, 印度土豆泥, 再配埋印度酸辣醬, 佐唔太酸, 仲有薄荷味。
飲品要咗一個印度傳統奶茶☕, 一杯鮮橙汁🥤。杯奶茶有別於一般奶茶, 佢係用不同香料烹煮嘅飲品, 主要有生薑同綠色荳蔻莢, 仲有肉桂, 八角, 丁香等, 加糖加奶沖製, 味道偏甜, 但好滑, 香甜, 飲完喉嚨好似感到有少少清涼, 好好飲。
我地仲另外叫多一個Tiramisu甜品🥧, 味道唔錯, 都大杯, 同朋友share。Tiramisu做到一層層, 意大利芝士味+咖啡味好香濃, 忌廉口感好軟滑, 具水準。😋
整體嚟講, 性價比都幾高, 百零蚊就可以嘆到高質、足料、好味西餐, 完全感到餐廳嘅用心, 店舖細細間, 但環境舒服, 店員又好好! 都見到好多人外賣, 值得再去試下。👍🏻👍🏻
舖名: Casa Di Thali (大角咀)
地址: 大角咀海庭道8號富榮花園二期地下57號舖
# CasaDiThali #大角咀美食#大角咀好去處#hkfoodie#hkfood#香港美食#香港好去處#香港小店#相機食先#手機食先#pizza#印度菜#意大利菜#印度奶茶#ChickenTikka
張貼
