金田家 (已結業)

雖然家住將軍澳區，但話說將軍澳中心裝修咗之後，我都冇去過。今日放工去左買啲野，順手喺附近食埋先返屋企。！！金田家！！柚子辛口拉麵 $98追加：溏心蛋+$14、黑豚肉叉燒+$33女朋友說：我本身唔鍾意食辣嘅拉麵（雖然我食得辣），但係見到呢個柚子味又想試吓。比我想像中好食，酸酸甜甜但係又有辣，一啖有齊晒。湯底好濃厚，而且好有蔥味，係會想飲晒佢！另外值得欣賞嘅係我本身鍾意食偏幼嘅拉麵，而且佢軟硬度適中，好食！黑豚拉麵$98追加：加麵+$12、黑豚肉叉燒+$33男朋友說：拉麵一上台當然係試下個湯底先啦，豚骨湯底好入味，同埋食唔出有落味精，好好飲，加上麵質岩岩好，真係每一啖麵係享受。但係麵嘅份量唔係好夠喉，加左麵，店員好貼心問我即刻上定係一陣先上，加埋麵飲曬湯，好滿足。小食：山葵蛋黃醬餃子 $38/4隻餃子外脆內多汁，本身有蛋黃醬嘅野食真係冇得輸，係一定會好食嘅。而且再加啲山葵（即係哇沙be)，咁樣配搭真係好新奇又好食，值得一試。特飲：薑汁柚子梳打 ＄24特飲：草莓乳酸梳打 ＄24薑汁柚子梳打比我想像中好飲，一開頭我仲係咁說服我男朋友我要叫杯士多啤梨味，因為我驚薑汁柚子唔好飲我都仲可以有士多啤梨