Burger's Friend Forever (嘉峯匯) (裝修中)

Burger’s Friend Forever隨著啟德既發展，多咗住宅就自然會多食肆。今日特登去到嘉峰匯附近睇下揾唔揾到好野食。行到嘉峰匯住宅附近，見到一間裝修好特別既burger店，咁我地就試下佢。😎😎餐廳裝修行工業風格，水泥牆配上簡單既擺設，舒服得黎帶點型格。而呢到burger既選擇都有好多，黎幾次都未必試得晒呀。 經過一番努力，我地終於揀咗以下兩款。💕💕水牛城雞扒漢堡首先要讚下個包，香煎到金黃色，上枱既時候熱辣辣，脆口之餘仲帶微甜，整得好在心機。雞扒幾厚身，而且濕潤多汁，但雞皮依然脆口。加上蕃茄，生菜，紫洋蔥同埋酸辣既醬汁，口感豐富，味道平衡，十分出色。🥰🥰😋😋丹麥藍芝士漢堡有啲人聽到藍芝士就會避開，可能係怕咗伍浸味，但我就係鐘意佢濃郁既香味。而呢個漢堡亦冇令我失望，藍芝士好咸香，味道突出。牛肉亦非常新鮮，入口嫩滑而且肉汁香滑，完全冇比藍芝士蓋過本身既肉香。😍😍漢堡可以加錢轉到餐架架，可以選擇粗薯條或薯格或沙律。我地揀咗薯格，炸得好靚仔，脆到索索聲，好滿足。☺️☺️