屋喔 (已結業)

店鋪位於朗豪坊附近，並唔難搵。佢係樓上鋪，座位都幾闊落。屋喔古早牛肉麵（左）：牛肉好軟好易入口，我本身係好怕係出面食咁大舊牛肉嘅人，因為好驚咬極都咬唔完變成肉渣，但呢間完全唔會，咬落去真係好驚喜。個人亦好鍾意個麵嘅口感，煙韌有咬口。培根起司雞柳奶油燉飯（右）：呢個飯不過不失，無特別驚喜但都算好食，雞柳可以多少少就好了。野莓優格冰沙：去唔同餐廳，見到野莓冰沙幾乎次次都會點離飲。呢間個味道好明顯飲得出唔同其他店，奶味都幾重（可能係yougurt味)，十分足料，絕對值得補少少錢叫離飲。