影片
更多
2011-04-21
8 瀏覽
銅鑼灣的食肆多如恆河沙數, 但真的好餐廳卻不多, 所以每次去食飯都要做吓RESEARCH; 今次就試成日都經過, 但都未食過的魚泉。未入去之前先在店外睇吓個MENU, 有成十幾個不同款的定食, 好似幾好咁喎就行咗入去...... 坐低後, 侍應攞個餐牌比我地, 由於D食物照影得太好, 我的選擇障礙症又發作, 既想食魚生飯 (HKD88), 鰻魚飯(HKD68)又好似好好食, 點算? 難得朋友同我一齊病發, 好, 咁就叫哂2個SHARE食啦!定食包前菜、味噌湯、沙津或蒸蛋; 先講個前菜, 係麻醬伴牛舌, 幾特別, 而且幾好味喎, 有心思; 味噌湯雖然唔係好夠熱, 但勝在有蔬菜的甜味, 有誠意; 蒸蛋我冇試, 朋友話好滑; 沙津伴麻醬, 都唔錯呀。先嚟嘅主菜係魚生飯, D魚生多到睇唔到D飯! 魚生好新鮮, 重有海膽同三文魚子呢D貴價野, 真係一個字~正! 鰻魚飯係用韓式石鍋上, 熱辣辣好吸引, 有2大片鰻魚, 飯裡面加咗紫菜同蛋絲, 令到個飯香咗同靚咗, 加埋濃濃的鰻魚汁, 好味! 唯一的問題係石鍋令到有飯焦, 所以食到底下嘅飯有D硬。呢個LUNCH真係唔錯, 下次再去試佢地其他嘢。
銅鑼灣的食肆多如恆河沙數, 但真的好餐廳卻不多, 所以每次去食飯都要做吓RESEARCH; 今次就試成日都經過, 但都未食過的魚泉。
未入去之前先在店外睇吓個MENU, 有成十幾個不同款的定食, 好似幾好咁喎就行咗入去...... 坐低後, 侍應攞個餐牌比我地, 由於D食物照影得太好, 我的選擇障礙症又發作, 既想食魚生飯 (HKD88), 鰻魚飯(HKD68)又好似好好食, 點算? 難得朋友同我一齊病發, 好, 咁就叫哂2個SHARE食啦!
定食包前菜、味噌湯、沙津或蒸蛋; 先講個前菜, 係麻醬伴牛舌, 幾特別, 而且幾好味喎, 有心思; 味噌湯雖然唔係好夠熱, 但勝在有蔬菜的甜味, 有誠意; 蒸蛋我冇試, 朋友話好滑; 沙津伴麻醬, 都唔錯呀。
先嚟嘅主菜係魚生飯, D魚生多到睇唔到D飯! 魚生好新鮮, 重有海膽同三文魚子呢D貴價野, 真係一個字~正!
鰻魚飯係用韓式石鍋上, 熱辣辣好吸引, 有2大片鰻魚, 飯裡面加咗紫菜同蛋絲, 令到個飯香咗同靚咗, 加埋濃濃的鰻魚汁, 好味! 唯一的問題係石鍋令到有飯焦, 所以食到底下嘅飯有D硬。
呢個LUNCH真係唔錯, 下次再去試佢地其他嘢。張貼
