影片
更多
2016-03-02
594 瀏覽
今日試左非常有驚喜既川菜 本來以爲川菜睇落去好多辣椒會好辣，但係雲陽既菜色麻辣得黎保留本身食物既味道，唔錯唔錯 佢送既前菜係非常特別既爆谷！！食落去味道好有層次，咸咸甜甜，好似將一道川菜風味小食及味道煮成既爆谷，問左waiter佢話原來加左好多種香料，有蒜粉、辣椒粉、話梅粉多到我都幾唔曬 仲之就好特別，食到聽唔到啊！不過好可惜佢地係每日限定製造同無得就咁買，衹可以下次再黎食過！ 午餐餐牌亦都有好幾款，同朋友商量完一輪都系揀左兩個套餐。其中一個我地揀左川味鮑魚午時套餐 （$128）。前菜有原隻鮮漬雙鮑兩味，泡山椒同菌油漬鮑魚爽口得黎唔會好硬，煮得好淋而且唔會好辣，完全保持到鮑魚本身既鮮味 而主菜叫左水煮牛肉，雖然餐牌上面有三個辣椒，上菜既時候亦有一大堆辣椒同辣椒油系面，不過其實無想像中咁辣。除左牛肉之外裏面仲有好多配菜，好似芽菜、大蔥同蒜蓉等等，非常大碗！而牛肉煮到好淋，好正！雖然有三個辣椒但係其實我覺得麻既感覺重過辣味，都幾適合唔係好食得辣既香港人 麵食揀左我最愛既蒜泥白肉涼麵，麵條爽口彈呀，每條都跟跟分明，唔會癡住一齊，而醬汁配上白肉同蒜泥簡直一絕 不過中意清
本來以爲川菜睇落去好多辣椒會好辣，但係雲陽既菜色麻辣得黎保留本身食物既味道，唔錯唔錯 佢送既前菜係非常特別既爆谷！！食落去味道好有層次，咸咸甜甜，好似將一道川菜風味小食及味道煮成既爆谷，問左waiter佢話原來加左好多種香料，有蒜粉、辣椒粉、話梅粉多到我都幾唔曬 仲之就好特別，食到聽唔到啊！不過好可惜佢地係每日限定製造同無得就咁買，衹可以下次再黎食過！
午餐餐牌亦都有好幾款，同朋友商量完一輪都系揀左兩個套餐。其中一個我地揀左川味鮑魚午時套餐 （$128）。
前菜有原隻鮮漬雙鮑兩味，泡山椒同菌油漬
鮑魚爽口得黎唔會好硬，煮得好淋而且唔會好辣，完全保持到鮑魚本身既鮮味
而主菜叫左水煮牛肉，雖然餐牌上面有三個辣椒，上菜既時候亦有一大堆辣椒同辣椒油系面，不過其實無想像中咁辣。除左牛肉之外裏面仲有好多配菜，好似芽菜、大蔥同蒜蓉等等，非常大碗！而牛肉煮到好淋，好正！雖然有三個辣椒但係其實我覺得麻既感覺重過辣味，都幾適合唔係好食得辣既香港人
麵食揀左我最愛既蒜泥白肉涼麵，麵條爽口彈呀，每條都跟跟分明，唔會癡住一齊，而醬汁配上白肉同蒜泥簡直一絕 不過中意清淡既朋友未必中意食，因爲個醬都幾重味。
餐飲既紫貝天葵汁都好特別，不過我唔記得影相呀 成杯紫色好靚，味道都幾清淡，好適合陪呢幾款濃味既菜色 而另外一個套餐都係$128， 都係一款前菜同主菜不過就無飲品得甜品。
我叫左個煎鍋貼，都算煎得金黃香脆，不過皮比較厚，食落去口感一般，值得一提既係鍋貼既餡調味適中，都幾好味
主菜叫左野菌斑腩，非常野味 斑腩肉質非常嫩滑，而外層魚皮半煎炸到非常香脆，配料仲好多，有翠玉瓜同幾款野菌，但係醬汁有d偏咸
套餐仲包埋甜品添！今日甜品係奶凍，非常重椰汁味同好滑，好好味呀！！
整體雲陽都幾號味，午市時間唔使等位，餐廳環境寬敞而waiter服務亦都唔錯。如果大家想試下川菜但係又唔食得好辣既話雲陽就啱曬啦。
張貼
