海港薈

營業中

休息中

今日去參加一個中午聚餐，－共開四枱所以有一個包房（V1)，房間闊落，冇侷促感。本以為套餐水準係一般。但上第一個菜：乳豬全體就已經有驚喜，估唔到係熱嘅。入口乳豬皮鬆化，跟住落嚟食呢啲菜，個個都有水準。嗰個炸蟹鉗已經唔係一般酒樓嘅行貨，好有水準。西蘭花帶子更加係要加分。食到最尾見紅棗糕更加令人驚奇，上枱時仲熱辣辣，好有紅棗味，平時唔食甜品嘅我，都食咗三件。可能係包房關係，啲侍應睇到親切，招呼周到。這間酒樓出品值得一讚。