悅嚐 (已結業)

小秘書冒著寒風，今朝八點唔夠就返到office準備開會。忙完一輪，終於可以去食嘢🤩 我就最有冒險精神試新餐廳㗎喇😃 見 #悅嚐 開咗一段時間，新舖裝修嘅殘餘物資應該清哂喇掛🤔 可以去試試。收得我$38一個早餐，理應質素唔錯... #沙嗲牛肉出前一丁 配 #炒蛋厚蛋士、凍檸茶加$3！先上枱嘅係 #沙嗲牛肉出前一丁，餐廳以鮮牛肉做主菜，沙嗲味太濃反而遮蓋咗肉嘅鮮味，出前一丁無落原裝麻油，無咗特色🙃 炒蛋好滑，厚多士夠鬆軟，+$3果杯凍檸茶無咩特別，ok啦！不過夾夾埋埋要$41埋單... 貴咗啲啦！