麥當勞 (已結業)

驚喜驚喜，非常驚喜。出前一丁麻油麵夥拍麥當佬出產品，本身已經非常驚喜。莉莉子本著咩都唔怕既精神，點都要試下😍😍莉莉子假日有時間，即刻衝左去樓下既麥當勞🍔，點知超多人排隊，嚇一嚇🤨唔通出前一丁真係甘大威力😂😂等左10分鐘，莉莉子叫左個南蠻炸雞包同黑蒜油shakeshake粉薯條🍟味道當然無令我失望，南蠻炸雞包係用南蠻醋既醬包住塊炸雞，可惜唔係kfc既炸脆雞，反而係好實淨既乾雞塊，夾住洋蔥他他醬都幾特別😘😘黎到主菜，係莉莉子必試既黑蒜油shake shake 薯條🍟，黑蒜油味粉原來唔係合味道杯麵粉，較咸，而且黑蒜味濃郁，絕對令我喜出望外😝😝😝黎緊等埋佢3月7日後再出「麻油味」shake shake粉，希望唔會令莉莉子失望😜😜