潮州合成甜品

營業中

休息中

呢間糖水舖就真係出名，見到有好多遊客都慕名而來！但其實我最驚呢啲出名嘅嘢，好多時出咗名個水準就會下降！但係呢間合成糖水絕對係例外。無論門面以及內部裝修都維持着住懷舊嘅風格，雖然舊就舊啲，但係而家香港買少見少㗎啦。朋友話呢度嘅清心丸最出名，咁就梗係食一個清心丸啦。我就叫左冰花腐竹雪耳清心丸，貪佢夠滋潤啱晒冬天飲。 雖然賣相就差左少少，但係味道確實不錯。腐竹煲得好淋入口即化，但係雪耳仍然係爽口嘅。加埋嘅清心丸就咩口感都有啦。至於味道方面就唔會一味得個甜字，食落去好順口好舒服。冬天飲好正！ 各位下次嚟九龍城食飯記得留肚去食呢間糖水舖呀！