閨•家 (西九龍中心) (已結業)

今日行行下街想飲靚湯就黎左閨家。鐵板雞翼炒出前一丁配凍奶茶（下午茶餐）賣相好吸引！雞翼醃得好入味，而且入口仲好脆，個人覺得比佢嘅招牌豬扒好食，但炒一丁今次略嫌炒得唔夠鑊氣，有啲濕唔夠乾身，所以要盡快食，唔係食到尾會有啲黐住一嚿，而且佢用生菜絲代替咗芽菜，感覺又唔會覺得唔夾，整體味道幾好。份量都👌另外單點大湯一盅閨家啲湯就一如以往咁！是日靚湯係：雪梨紅蘿蔔煲豬展～料好足！飲第一啖就知唔係味精湯，完全同例湯唔同，我呢啲「湯怪」，次次食「閨家」都必叫～但單叫個湯真係有啲貴，雖然份量係多啲，但都係lunch跟餐要個細湯會比較抵飲。跟餐叫左杯凍奶茶～無咩特別～正常味道