蝦麵店 (海光街) (已結業)

餐廳位置比較隱蔽，係一條巷仔入邊，需要搵一段時間先至會搵到。餐廳門口但黐滿咗好多關於佢嘅報道，所以之前經過一次之後就決定約埋朋友去試一試。碗麵味道正常，個人覺得唔會話特別出色，食完之後都唔係好有記憶。朋友嗌嘅肉骨茶份量都幾大，可以見到碗飯都裝得好滿，女仔未必食得晒。呢個價錢仲包埋小食，其實喺鰂魚涌呢個地區來講算係幾抵食，性價比唔錯。但最好唔好抱太高期望，因為如果話好似報道講到咁好食嘅話，咁就可能會有點兒失望了。