小蓉麵家

營業中

休息中

經過幾次店門口，覺得門口裝修得好懷舊古式，再查下OpenRice 都有好多讚好，就入去試一試，可惜帶來不快的感覺。坐下要了豬手撈粗，淨雲吞，見標著可用$7加飲品或油菜，就同呀姐講加油菜及飲品，點知呀姐話我只叫了一樣麵食，不能用特價加2樣，我話淨雲吞仲貴過雲吞麵，咁都唔可以加？佢話張咭寫住「任何湯麵或撈麵」先可以！老闆請咗依啲質素嘅員工來檔生意，真覺得老闆好慘！一家雲吞麵舖，最重要食物就係湯、雲吞、麵。湯：還可以，感覺蝦子味不夠。麵：因叫了撈粗，不知幼麵如何，但粗麵鹼水味多，撈麵太濕。雲吞：啲蝦不爽脆，是梅的，現時用急凍蝦真的很難做到梅的口感。現場連我只有3枱4位客人，咁少人啲雲吞都是預早煮定！豬手：八角太多有苦味，也煮過龍，淋得滯！建議幫襯嗎：除非你是喜歡口感梅的雲吞，否則應該遠離這店。