疊囍居

營業中

休息中

作為前龍皇嘅忠實支持者，又在自疊囍居開張兩個星期以來已幫襯五次，本人覺得有資格為疊囍居寫第一份食評，雖然本人好少寫食評。本人之前喜歡龍皇，因為覺得佢個咕嚕肉係全世界最好食嘅，但食完疊囍居，發覺除了咕嚕肉稍遜，其他嘅出品，都比龍皇優勝。龍蝦伊麵嘅伊麵，超級煙靭，極有口感。文昌雞好正，好難得喺香港食到有水準嘅文昌雞。豉油皇虎蝦有意外驚喜，以後唔使去鯉魚門食海鮮了。豉油皇銀芽吊桶仔，超級有鑊氣，又一意外驚喜。頭抽乾炒牛肉河，終於搵到有水準嘅乾炒牛河。蛋白杏仁茶，每次必食。晚餐38蚊一隻嘅冰鎮大鮑魚，誠意滿分。最後講到本人至愛嘅咕嚕肉，味道滿分，只係本人稍嫌脆皮厚咗，口感無以前龍皇咁卜卜脆。