kikusan (已結業)

今晚我們約咗好朋友一齊去銅鑼灣希慎廣場食晚飯，但就未決定去邊間食？揀咗一陣我們見到有間有上海包點，又有日本菜食嘅fusion菜餐廳「Kikusan」，所以我們就決定入去食晚飯！一入到去就見到有都幾大嘅開放式廚房，坐位與坐位之間亦相當舒適寬敞！我們叫咗幾款唔同嘅串燒，分別有：鷄肝、豚腩、鷄腎、照燒鷄肉棒、鷄翼同炭燒牛肉，全部都燒到啱啱好，肉質相當鮮嫩鬆軟！豚肉小籠包嘅外皮極之薄身，所以好清楚睇到入面有好多湯汁，湯汁嘅味道非常鮮甜，豚肉嘅肉質亦相當鮮嫩！煎韭菜豚肉餃子同煎素餃子煎得好香口同好乾身，唔會有「油腍腍」嘅感覺，而且餃皮亦好薄身，豚肉餡料就好鮮嫩惹味，而素菜餡料就相當清新！燒鰻魚飯嘅鰻魚好肥美厚身，所以口感好豐富！南瓜味噌湯牛肉溫泉蛋烏冬嘅牛肉喺上碟嗰陣仲係生嘅，要用熱辣辣嘅湯底去浸熟，所以肉質相當鮮嫩，烏冬嘅麵質亦好煙韌彈牙！千層豬扒擔擔拉麵嘅豬扒係用一層一層嘅豬肉堆砌成好似豬扒咁厚，所以食落層次感非常豐富！花生黑芝麻驢打滾係將外層煎到色澤金黃同外脆內軟，質感相當煙煙韌韌，中間就有香濃嘅花生醬，而且喺表面仲舖滿咗芝麻花生粒同椰絲，令到味道更加齒頰留香！日式年糕配雲呢拿大葉汁嘅賣相