佳記甜品 (已搬遷) 新店位置

元朗佳記甜品的B仔涼粉好出名,但從未食過,所以今次特意去元朗朝聖一下,呢度既環境好迫,幾乎面貼面,完全唔可以伸直隻手,個個人都好似迫地鐵咁食,真係有D辛苦!我地拿拿林落單叫野食,叫左雞翼尖,B仔涼粉同芒果腸粉!蒜香辛辣雞翼尖首先來到,雞翼尖好多肉,辣味剛剛好,唔會太辣,蒜味又不太濃,真係幾好食!B仔涼粉份量好多好巨型!!好彩之前冇乜點食野,唔係既話,我地都唔知食唔食得哂!!雖然內裡的水果唔係乜野貴價水果,都係西瓜蜜瓜木瓜芒果椰果個D,但每款水果都好新鮮好甜,真係好正!!芒果腸粉很多芒果又多汁,腸粉很滑又帶芒果香,真的不錯!整體來講,食物真係幾好食,但環境就一般,不過下次經過元朗的話我都會再來食,因為食物味道真係唔錯!!