影片
更多
2009-10-09
1093 瀏覽
平時返工放工坐30x出入數碼港日日都經過，只係知道果度係學校遲來的中秋節lunch，不過呢餐係Supervisor請既===============================================一落車，入門口已經有Waiter接待，um....總覺得有d毛管凍....可能我比較粗豪啦，嘩哈哈哈由於係學生主理，Lecturer帶隊，一早預左蝦碌野比較多，不過唔緊要啦，學生當然要比機會的好快就入左車立，上到一樓既西餐部一出 車立 就要量左體溫先入得去，都有少少唔習慣，哈哈坐低之後，即刻送上包一堆，有好多隻揀，佢d飽真係做得唔錯...好耐都未食過咁正既飽...唔硬加熱先至係好野，用餐巾包住，好明顯果度既Lecturer係備課充足之後就上湯，雞湯落足料，味道比雞精濃，之後就係頭盤，我自己就比較好食魚，叫左個海鮮卷，感覺唔錯，味道比較清新既，不過敗筆就係果個screw型的黑色東西....苦的....食左頭盤，上main course，main course係鱸魚，可能今日負責既同學無計好鹽既用量，重手左，咸左DD，不過好彩都未至於咸到唔入得口，如果可以少返d鹽就食完之後，呢個時
遲來的中秋節lunch，不過呢餐係Supervisor請既
===============================================
一落車，入門口已經有Waiter接待，um....總覺得有d毛管凍....可能我比較粗豪啦，嘩哈哈哈
由於係學生主理，Lecturer帶隊，一早預左蝦碌野比較多，不過唔緊要啦，學生當然要比機會的
好快就入左車立，上到一樓既西餐部
一出 車立 就要量左體溫先入得去，都有少少唔習慣，哈哈
坐低之後，即刻送上包一堆，有好多隻揀，佢d飽真係做得唔錯...好耐都未食過咁正既飽...唔硬加熱先至係好野，用餐巾包住，好明顯果度既Lecturer係備課充足
之後就上湯，雞湯落足料，味道比雞精濃，
之後就係頭盤，我自己就比較好食魚，叫左個海鮮卷，感覺唔錯，味道比較清新既，不過敗筆就係果個screw型的黑色東西....苦的....
食左頭盤，上main course，main course係鱸魚，可能今日負責既同學無計好鹽既用量，重手左，咸左DD，不過好彩都未至於咸到唔入得口，如果可以少返d鹽就
食完之後，呢個時間既上菜速度慢左.....等左陣先有甜品
由於我同埋同事太遲上到去，得返Cheese Cake........好想食蘋果批....不過唔緊要啦，Cheese Cake我都係鐘意食的...
難得既係cheese cake完全唔漏，以我既胃口來講係唔夠添，唔係太甜，味道剛剛好
因為我Supervisor話d魚太咸...Lecturer就送左d小甜品....講真...我地都唔expect話要d咩，始終佢地都係學生，只要下次做返好就得，Lecturer仲話要幫我地轉另一樣，服務認真唔話得
總括來講，都係學生的作品，服務唔駛講喇，唔比5分都過意唔去啦，真係比出面正式既好好多....不過佢地畢業之後，正式投入社會果時可唔可以係出面保持返水準呢...就要靠Lecturer既功力了
環境因為係學習既關係，樣樣執得好正
抵食就....同出面中高價既西餐差唔多
3個course $98
4個course $110
11個人食左近1100蚊
但係由於只接待會員，今次聽返同事講，佢係早一個星期book位的...
PS. 如果你係想快既，我就唔建議了。因為學生需要做Assignment，由接待，介紹Menu，介紹餐前酒都會花少少時間同埋都一定要做，比起其他地方所用既時間大約多50%。如果中午食飯得1個鐘既就唔建議了
張貼
