新之食 (物華街)

營業中

休息中

番工飯堂又黎喇！今日同事帶我黎呢間新之食。主打好似佢個招牌咁寫，有手攪麵，雲南米線和馬來咖喱。新之食外面正進行裝修，所以搭晒棚架，連個招牌都遮住左。入面環境尚算乾淨，以白色簡約為主。餐牌。食物款式都幾多，而且價錢平民，廿幾蚊有交易。酸辣米粉我點了一碗酸辣小鍋湯底既米粉，再加豬排同凍檸茶，總共42元。新之食既米粉十分特別，不是一般的米粉，似公仔麵般彎彎曲曲，但口感又比公仔面爽口，我第一次食到，覺得幾好味。酸辣湯底味道濃郁，可以選擇辣度，我選了小辣，但俾我既感覺似食緊中辣，辣得過癮，配上酸菜芽菜，酸辣開胃。豬排煎得剛好，麵面不會太厚，美味可口。