Café Muse (已結業)

朋友提意去文化中心食飯，喺餐廳門口睇完個餐牌覺得「都係嗰啲啦」，但當我飲到佢個意大利菜湯，我就即刻對佢改觀。佢個意大利菜湯非常濃郁，口感creamy，令我非常滿意。朋友叫咗個穩陣嘅茄汁意粉，我試咗啲，唔單止味道好，意粉亦十分彈牙，真令我意外。至於我叫嘅魚排飯就相形見拙，因為啲飯好快就「生泠鋼」，汁量唔足以送飯。不過餐廳服務員好有質數，二話不說就滿足咗我要加汁嘅要求。到最後，連杯熱奶茶都好得。雖然只係沖到半杯，份量少咗啲，但口感又濃又滑。總括而然，以晚餐每人$100左右嚟計，呢度啲嘢食嘅質素已經係超班之作，日後我都係再嚟，同埋試埋佢個自助餐。