I Leisure (已結業)

外星姨仔話帶我地去食好嘢，為食一家梗係二仔底死跟，屯馬線由沙田去尖沙咀都係30分鐘，車都可以唔使揸！呢間原來係樓上吧，不過晚上10點前做餐廳！姨仔知道我未食過小龍蝦，所以特登帶我嚟食，呢度做緊二人同行叫主食就送一份小龍蝦，又香又麻嘅味道，真係會令人不停係咁食！“ShakeShake海鮮”唔食由自可，佢地呢個獨家馬來西亞辣汁，用袋Shake埋鮑魚、蝦、帶子、蜆等等海鮮，真係好食到唔識形容，我地都係點小辣，嗜辣嘅老友可以加大辣度，肯定更惹味！“德國豬手”，我估唔到喺度食到一隻我食過最好味嘅豬手，比起其他餐廳嘅更脆皮，肉質更滑更入味，100分！“夏威夷薄餅”令到我個咀刁嘅臭豬都係咁食，人仔細細食咗大半個，好味！裝修雅緻，令人舒服，服務又好又有禮貌，加分，下次一定再嚟食過，仲要留低飲吓酒掟吓鏢！