「迆」雪糕專門店 (已結業)

睇IG得知出左新口味，今日去開深水埗，順便去南楓樓再訪呢間純素雪糕店。今次趁晏晝人少少既時候嚟到，終於可以仔細欣賞呢幅畫得咁靚既深水埗地圖，除左美食之外，亦將重要既地標畫埋出嚟。適逢聖誕，店內仲有棵霓虹燈聖誕樹，打卡就啱哂。芝麻豆腐味配雙色玄米脆脆上次一試難忘既豆腐味，今次繼續保留。灰色既係黑芝麻雪糕，用香濃黑芝麻整成，食既時候仲有粒粒芝麻肉，加埋玄米令口感更豐富。雖然黑芝麻有少少搶左豆腐本身既味道，不過雙拼最開心既係可以同時試哂不同口味，可以先食豆腐果邊，再食味道更濃郁既黑芝麻。話梅味配海鹽焦糖雪條上面放左片話梅肉，雪糕食落鹹鹹酸酸咁，非常清新開胃。海鹽焦糖既比例控制得剛剛好。雪糕筒含奶素成份，想食純素既可以轉用雪糕杯。