紅茶冰室

營業中

休息中

老公係茶餐廳怪，成日都好鍾意食常餐，佢話今日要出去紅茶都因為覺得紅茶比較好味，其實佢同龍誠差唔多。因為老公又唔係特別鍾意食沙嗲牛肉麵就叫咗常餐豬扒湯通粉轉公仔麵，我就係沙爹牛麵朋友！個公仔麵嚟到兩個都覺得個麵質非常好，仲要係出前一丁，因為可能佢比平時出面常餐同特餐比較貴，出前一丁就唔使加錢。其實丹麥酥真係好正！老公亦都係因為呢塊丹麥酥所以揀紅茶！整體來講係好食。另外，老公見到蛋撻出爐就話堂食同外賣都係一樣價錢，所以就嗌左一個，真係非常之熱，剛出爐嘅蛋撻一定係好好味果然冇失望酥皮非常脆，蛋餡非常熱，勁香！食個中午已經好滿足