星巴克咖啡 (已結業)

出發啦! 擔心假期時節去旅行會勁多人，故決定早啲出門，結果又唔算多人喎，早啲成個鐘點hea好? 當然嘆返杯啡提提醒。機場有幾間連鎖咖啡室，既然還未試Starbucks的最新出聖誕版的聖誕蛋糕乾果鮮奶咖啡, 一於在boxing day延續聖誕節的氣氛，哈!第一次來到客運二號大樓的Starbucks, 開放式的門面，外設數張圓枱，行前兩三步便是售賣處和輕食箱，左邊設有一個放滿聖誕杯，咖啡壺，聖誕吊飾等精品的大木櫃，而右邊還有數張二人枱，地方不大，但坐得挺舒服。每年聖誕系列飲品必有薑汁鮮奶咖啡，拖肥果仁鮮奶咖啡和聖誕薄荷朱古力咖啡，今年還推出全新的聖誕蛋糕乾果鮮奶咖啡 Christmas Panettone Latte ($38/Tall), 前三款年年都必飲，難得有全新推出，不用考慮啦!咖啡面唧上小山丘般的甜忌廉，灑上又橙又黃又紅的乾果碎粒，賣相的確很有聖誕色彩。先舀少許乾果試試，略為乾硬煙韌，不太吸引。再把香滑的忌廉拌勻，令咖啡更香幼，但咖啡味不算濃郁，味道偏甜，有些似雲尼拿的味道，與蛋糕乾果好像拉不上關係，但當喝到近尾聲時，能嚐到淡淡的乾果的果酸味，眾乾果浸在暖笠笠咖啡中已變軟身及出味