茶里 (希慎廣場) (已結業)

大食妹有個集郵嘅習慣, 每天見到未試過嘅餐廳都會mark低, 然後揾時間去試。今日去銅鑼灣食飯, 順便試下呢間茶里。<雪芝鳳梨百香$40> (好飲: 4/5) (抵飲: 3.8/5)芝士奶蓋綿密濃郁, 有慕絲嘅口感, 鹹鹹地芝士味幾重。配上鳳梨百香果沙冰, 酸酸甜甜, 飲落涼浸浸, 好適合夏天飲用。<雪芝芒果$42> (好飲: 4.2/5) (抵飲: 4/5)同樣有芝士奶蓋, 但唔同嘅係佢嘅生果底。相比鳳梨百香, 芒果果味明顯更為濃郁, 走甜味道都已經好香甜, －啲都唔會酸。