隨變火鍋

營業中

休息中

同朋友去銅鑼灣行街，他介紹我去這間雞煲，環境不錯，又可以打邊爐又有串燒食。枱面又夠闊落，叫多幾碟食材都有位放，又夠冷氣。吹水地方是不錯之選。【乾鍋醬汁雞】因驚太辣，所以到最後叫了微辣，乾鍋醬汁雞除了放入口感滑嫩，仲非常惹味，內裡材料有洋蔥、椰菜花等，微微的辣餸飯或麵更加一流，整體乾鍋醬汁雞比想像中出色。【贈送-酸菜湯底】最估不到個酸菜湯底原來是另上，初頭以為是倒酸菜湯底落去個雞煲度，原來不是。個湯底味道超濃，仲可以當湯咁飲都仲得，酸辣適中又夠惹味，內裡仲勁多酸菜。【巴山凝雨(涼拌隨變粉)】隨變粉有點像紅薯粉，食落帶點煙韌，涼拌辣汁十分惹味，再配埋醬汁撈起一齊食就無得頂。【不可錯過手工雲吞王】雲吞王勁飽滿，內裡勁多蝦肉，蝦又夠新鮮彈牙。【招牌手打黑松露蝦丸】手打蝦丸口感爽彈，黑松露味又突出。【新鮮滑牛肉】 一碟份量都算多，油脂均勻，牛香味突出，吸收酸菜湯汁的味道。【奇脆炸魚皮】魚皮香脆且無腥味，浸一浸落去酸菜鍋，都仲帶點脆，打邊爐必點。飲野到最後我叫了凍檸樂，除了啤酒之外，汽水就是不二之選。