粵來順 (已結業)

朋友相聚，有個好姐妹話帶我地去食一間好味既中菜店，佢近大角咀同旺角，返屋企都方便！ 籠仔荷香糯米蒸羔蟹 一打開荷葉很香，重荷葉味，糯米圓同飽滿，包圍著蟹，即使沒吃蟹，都滿有蟹既鮮味！ 蜂蜜豉油雞 呢隻雞點只豉油雞咁簡單！外面雞皮充斥香香的蜂蜜味，但又唔會太甜，令主角失色，豉油係淡淡然般，不太鹹之餘，雞肉鮮嫩。 金沙桶蠔 蠔被香脆金黃的脆漿包圍著。蠔夠大隻，熟左的蠔都有手掌咁大！！咬落勁多汁，十分新鮮又唔鯹，外鬆內實，大家都很喜歡。 我地叫的都係部分招牌菜，都很出色，期待下次再試其他招牌菜！