影片
更多
2023-02-23
54 瀏覽
😍出色傳統小食😍雖然生菜魚肉、碗仔翅呢啲傳統港式小食，有時想食到好食既，其實都唔易🥺，深水埗既明發，見佢主打街邊小食，當然要黎試下！魚肉碗仔翅🐟（$26/大）心大心細唔知食邊樣，一定係黎一個兩溝😆，食碗仔翅個人黎講好驚個種落左超多生粉水，變左漿糊咁既質感😫。喱到既濃稠程度算係剛好，唔會太水，有湯羹既感覺，碗仔翅用新鮮瘦肉做湯，食得出唔係hea交貨，魚肉彈牙真係有鯪魚肉既味！枱面既辣菜甫好辛辣，味道唔算係好香，但係加幾粒嘅話去令到成碗都變辣左😂。煎鴛鴦餃🥟（$41）餃子煎得幾好，冇難，而且外皮焦香，真正嘅金黃色！上枱嘅時候仲係熱辣辣，餃子菜多肉少，食落去係偏清爽既。熱豆腐花◻️($11)最後老闆娘請我地食左碗豆腐花，食落的確出色，可以話係好好食！豆腐花見到佢一層一層，食落口感剛剛好，夠滑又香豆味，加埋黃糖，必定翻兜之選！
雖然生菜魚肉、碗仔翅呢啲傳統港式小食，有時想食到好食既，其實都唔易🥺，深水埗既明發，見佢主打街邊小食，當然要黎試下！
魚肉碗仔翅🐟（$26/大）
心大心細唔知食邊樣，一定係黎一個兩溝😆，食碗仔翅個人黎講好驚個種落左超多生粉水，變左漿糊咁既質感😫。喱到既濃稠程度算係剛好，唔會太水，有湯羹既感覺，碗仔翅用新鮮瘦肉做湯，食得出唔係hea交貨，魚肉彈牙真係有鯪魚肉既味！枱面既辣菜甫好辛辣，味道唔算係好香，但係加幾粒嘅話去令到成碗都變辣左😂。
煎鴛鴦餃🥟（$41）
餃子煎得幾好，冇難，而且外皮焦香，真正嘅金黃色！上枱嘅時候仲係熱辣辣，餃子菜多肉少，食落去係偏清爽既。
熱豆腐花◻️($11)
最後老闆娘請我地食左碗豆腐花，食落的確出色，可以話係好好食！豆腐花見到佢一層一層，食落口感剛剛好，夠滑又香豆味，加埋黃糖，必定翻兜之選！
張貼
