緣味小聚 (93WYS)

營業中

休息中

身為一個吃貨，無論有啲乜嘢阻礙都影響唔到我一定要去搵餐廳食飯嘅心情嘅🤣所以難得放假就梗係要約好朋友出嚟聚會，食吓飯傾吓計啦！最後我哋揀咗去呢一間喺牛頭角附近嘅緣味小聚食lunch😊先來嘅就係呢一個灌湯小籠包，呢個小籠包入面嘅湯汁好好飲，好清！另外仲叫咗緣味鮮蝦餃皇，蝦餃嘅外皮好薄，而且入面嘅餡料亦都好好食！食點心當然唔少得就係食燒賣啦！呢一份嘅燒賣亦都好香，鮮蝦嘅味道十足，而且鮮蝦同豬肉嘅比例都啱啱好！最後仲要做一份重量點心拼盤，入面有好多唔同嘅點心，全部嘅賣相同埋味道都好出色！我自己都好鍾意食呢個蜂巢糕同埋叉燒包！