老街 (彌敦道)

營業中

休息中

老街長期都好長人龍，今次20:00見到冇乜人排隊，就入左去食～排骨肉燥便當，米係用珍珠米，粒粒分明有咬口，肉燥油脂適中，可以撈哂成碗飯，但又唔會太乾/太油，唯獨肉質可以淋返啲，排骨就正正常常冇特別。牛肉乾拌麵，牛肉有三大舊，麵質有咬口，甜甜地既汁配上青瓜絲同蔥粒，食落味道有層次，好食滷味拼盤方面有滷水蛋，豬耳，豬腸，牛筋，全部都煮得好入味，當中最欣賞蛋，入味有咬口，唔係好淋好散個種蛋；唯一可以改善的地方為豬腸可以清肥膏清多啲；但整體都做得十分出色佢仲有好多台灣先買到既飲品，第一次飲呢罐芭樂汁，十分出色！