影片
更多
2017-07-20
1879 瀏覽
食左幾日頹飯，我個buddy都唔忍心，終於帶我去食好野❤️店員話宜家係試業階段，唔知遲啲會唔會加價？根據店員介紹，呢度唔會俾天婦羅汁，蘿蔔茸係已經有味，跟埋檸檬汁、咖哩鹽同海鹽。咖哩鹽好香，但最喜歡海鹽，落少少都唔會蓋過食材味道。特上天婦羅御膳$298，估唔到份量咁多😱左上角嗰碟係茄子肉配粟米汁，上面仲有啲咸咸地嘅啫喱，味道質感溫度都好奇怪。薯仔沙律同餣左嘅蓮藕都好啱我口味。刺身有油甘魚、甜蝦同拖羅。拖羅四面燒過，火炙大大減低拖羅嘅油膩感，而且四面肉質結實左，可以話係另一種唔錯嘅食法。油甘魚同甜蝦都非常鮮甜，確實係好驚喜，好耐冇食過覺得咁鮮甜嘅刺身😍天婦羅真係好大碟，有蝦、蟹鉗、瀨尿蝦、魚、冬菇、南瓜同粟米仔。炸粉好薄好脆，食材都好好，尤其是炸蟹鉗大大隻勁滿足😋但因為我食得太慢嘅關係，食到最尾攤凍左，口感同味道就差左，所以建議要趁熱食！友人嘅燒牛肉飯，配菜都一樣嘅，$238。牛肉好香好腍，但咁啱食嗰件有啲筋，所以我覺得我個天婦羅正啲😜甜品係朱古力慕絲，餅底唔可以叫餅底，係餅碎，味道正常嘅，畢竟個定食好滿意，甜品唔夠好都冇所謂啦👋🏻食哂係勁飽，天婦羅做得好出色，下次嚟可以light啲食蕎麥
店員話宜家係試業階段，唔知遲啲會唔會加價？
根據店員介紹，呢度唔會俾天婦羅汁，蘿蔔茸係已經有味，跟埋檸檬汁、咖哩鹽同海鹽。咖哩鹽好香，但最喜歡海鹽，落少少都唔會蓋過食材味道。
特上天婦羅御膳$298，估唔到份量咁多😱左上角嗰碟係茄子肉配粟米汁，上面仲有啲咸咸地嘅啫喱，味道質感溫度都好奇怪。薯仔沙律同餣左嘅蓮藕都好啱我口味。
刺身有油甘魚、甜蝦同拖羅。拖羅四面燒過，火炙大大減低拖羅嘅油膩感，而且四面肉質結實左，可以話係另一種唔錯嘅食法。油甘魚同甜蝦都非常鮮甜，確實係好驚喜，好耐冇食過覺得咁鮮甜嘅刺身😍
天婦羅真係好大碟，有蝦、蟹鉗、瀨尿蝦、魚、冬菇、南瓜同粟米仔。炸粉好薄好脆，食材都好好，尤其是炸蟹鉗大大隻勁滿足😋但因為我食得太慢嘅關係，食到最尾攤凍左，口感同味道就差左，所以建議要趁熱食！
友人嘅燒牛肉飯，配菜都一樣嘅，$238。牛肉好香好腍，但咁啱食嗰件有啲筋，所以我覺得我個天婦羅正啲😜
甜品係朱古力慕絲，餅底唔可以叫餅底，係餅碎，味道正常嘅，畢竟個定食好滿意，甜品唔夠好都冇所謂啦👋🏻
食哂係勁飽，天婦羅做得好出色，下次嚟可以light啲食蕎麥麵或烏冬🤤店員都好友善，會介紹啲餸菜，整體好滿意，二三百蚊食個lunch都會再嚟！
張貼
