麵道 (已結業)

平日經過依間拉麵舖，都心郁郁想試，但每次都有人排隊。今日見過左食飯繁忙時間，所以就黎試下👀入到黎嘅裝修幾有日本feel, 店家都幾貼心，為長頭髮嘅女士提供免費嘅橡筋，方便大家揸起頭髮黎食拉麵。 今次我叫左之前朋友推介嘅叉燒醬油豚骨湯拉麵。同其他拉麵舖一樣，麵道可以比你揀粗麵定係幼麵、麵嘅硬度、湯嘅濃度等等。今次我揀左濃湯、硬度適中嘅幼麵。個湯底有驚喜，濃得黎唔會令你覺得好膩👍🏻 麵都啱啱好，食落都好彈牙。叉燒都係一碗拉麵嘅靈魂，佢嘅叉燒都做得好好。好入味，入口即溶👍🏻推介比各位朋友仔👍🏻