拉麵達人 (已結業)

聽朋友講， 拉麵達人 今個月做緊8折優惠， 襯優惠完之前就黎試一試。小店由門面至室內都用木做裝修，好有日本拉麵店嘅感覺。店內地方唔大，只有約二十個座位。同朋友大概六點半去到，入面只有兩枱客，但坐到七點零，就開始越黎越多人，好彩我地早到。一睇menu, 見到W達人拉麵($82) (八折後 $66) 就 流曬口水！上面有一大塊火炙厚切叉燒(有時叫 豚角煮) ，二話不說，決定食呢個拉麵。朋友話想食特別啲嘅拉麵，見到呢個櫻花蝦達人($88) (八折後 $ 71) 材料非常豐富，有好多海鮮。落咗單之後，見到menu上面寫住：如果客人對任何要求，例如：粗麵底，拉麵嘅軟硬度，濃湯或淡湯，加辣等等，都可以同店員講。由於我同朋友都鐘意食硬麵，所以立刻同店員講，要轉做硬麵，店員都好好禮貌咁立刻幫忙。過咗大約十分鐘，香噴噴既拉麵就送到喇。先試我點嘅W 達人拉麵，湯底用咗清香鮮甜嘅鰹魚湯同濃厚嘅豚骨湯混合而成，果然味道非常濃郁，每一啖都感受到好香嘅鰹魚味，但對我黎講有啲咸咗小小，重口味人士應該好鐘意。試完個湯，我忍唔住即刻要試塊火炙厚切叉燒！嘩！見到叉燒燒到好香，而且肥瘦分明，放入口真係入口即溶！！！ 貪心嘅