牛魔王清湯腩咖喱專門店

營業中

休息中

難得出街食個lunch，去左公司附近嘅小店。平時都見到門口有人排隊，今日就的起心肝去食下先！依度以牛腩見稱，咖哩嘅選擇又好多，第一次黎，就先叫個牛坑腩河粉。有時食牛腩都會食到一d比較柴嘅位置，我覺得牛坑腩係比較嫩嘅部位，而依間小店更加係用每日新鮮嘅牛腩，就係想俾客人最好嘅質素。牛坑腩好冧好嫩，一d都唔柴呀，口感有彈性，真係好正！除左牛坑腩河，我仲叫多左個麻辣牛舌金錢肚，落單哥哥話我知，個麻辣醬係佢地自家製架！又真係麻得好香喎，又唔會話咬到花椒就成條脷麻痺左，辣度亦都適中，而金錢肚同牛舌都係厚厚嘅，配埋個麻辣醬就真係一流呀！