新容記小菜王

營業中

休息中

深水埗不嬲多好嘢食，當然唔少得呢間屹立咗十幾年嘅新容記小菜王啦，佢最出名就係燒腩仔🐖，聽聞個皮超香脆，今日放假特登晏晝諗住去食，點知個職員話原來晏晝係冇得食㗎，要夜晚先有，咁唯有今次食住小菜先，下次再食過燒腩仔。 小菜款式都有好多，老闆介紹咗2個出名嘅小菜比我哋。 容記第一咀：呢個其實即係墨魚咀，外脆內軟，口感爽脆有嚼勁，炸粉唔會太厚，充滿椒鹽香味，絕對係佐酒小食No.1🍺！ 燒汁牛肉粒炒得好有鑊氣，牛肉粒鮮嫩多汁，口感細膩，上面曬上好香嘅芝麻粒。每一口牛肉粒都充滿住秘製醬汁，非常惹味，送飯一流。配菜炸薯仔亦夠稔，外脆內軟。 午餐仲送老火靚湯添。