強記小廚

營業中

休息中

第一次幫襯，為咗個羊腩煲而嚟。但係見檯檯都整兜魚皮咪貪得意叫埋一份，又真心唔錯，爽口而且調味幾香，值得嗌。樟茶鴨（半隻）比想像中好，食落有d鴨皮都仲脆，食落煙燻味重，d肉仲算少juicy唔會乾身。 終於到主角黑草羊腩煲。 一煲唔洗3舊水，羊腩份量都唔少，好抵食。 羊腩開頭未煮夠食落未夠淋，好彩之後由佢慢慢煲下就爭好遠，肉味重，立即咬得開。黑草羊唔係平時嗰d勁淋嗰種，肉味係重d，但相對就要煮耐少少。味道係ok，呢度嘅配料有竹筍、冬菇、馬啼同枝竹。 枝竹就唔算多，有d唔夠喉。整體質素係唔錯，係位置難搵少少，但覺得可以encore。