川之源

營業中

休息中

放假去西營盤影網紅壁畫相，半路都要醫飽肚先。經過比呢間川菜吸引，試咗覺得味道好惹味，真係有驚喜。整體來講，食品出品幾好，非常惹味，而且乾淨企理，店員親切有禮，性價比都適宜，係一個愉快嘅用餐體驗。川菜館配上可愛插圖，馬上添上文青風我哋點左麻辣香鍋二人套餐，滿足晒我哋嘅胃口，細路先要選擇，大人全都要🤣🤣用料好豐富，有鮮蝦、肥腸、牛肉、蓮藕、午餐肉、土豆片，好似尋寶咁鮮蝦唔會太過分乾身，肉質都係彈牙嘅我發現香鍋嘅食材，應該都係先炸過，然後再放落香鍋同香料混合，所以都零舍香口。可惜我哋唔飲酒，如果唔係應該好啱配酒肥腸！因為炸過，所以唔覺得肥膩感，真係非常好食！另外牛肉係好軟屬，我最鍾意牛肉土豆竟然係粗薯條！呢個係驚喜嚟，開心桂花冰粉，呢個係二人餐包嘅，桂花味好香，淡淡清甜味，剛好解辣。雖然我哋只係揀咗BB辣，但冰粉係剛好潤喉，好適合跟餐