影片
更多
2024-07-18
1739 瀏覽
-香港咖啡店探店時間又到了，今次帶大家去西環，呢度咖啡店林立，所以隱藏好多優質小店。☕️拿鐵咖啡 (堅果味) $41🤎House blend (Nutty)Brazil + Colombia 超可愛機械浣熊，睇得出咖啡師有心機，每次都拉唔同圖案俾客人，支持！除咗拉花味道都好緊要，呢杯飲落去好順滑，甜感滿滿，飲到咖啡焦糖朱古力味道之餘唔會苦澀，所以都幾啱我口味。🍇美式咖啡 (水果味)（單品豆）$42SOE Ethiopia Natural屬於一杯複雜的日曬豆咖啡，熱飲一入口偏苦，擁有香甜提子乾味，初初以為經過雙重發酵，凍飲之後酸味就會慢慢出返嚟，似返一隻埃塞俄比亞豆，果香滿滿。💚🥗牛油果煙三文魚沙律 $109份量超多，一個人食唔晒，🥗沙律菜都新鮮，入面仲隱藏咗杏仁nuts同提子乾，仲加咗碎芝士，麵包都香脆，牛油果啱啱熟，三文魚唔會過鹹，呢個係配料豐富嘅健康之選！🎏抹茶紅豆可頌窩夫 🧇$109窩夫都好香脆，上面加咗白糖霜，仲食到加咗少少煉奶，要讚嘅窩夫擺得耐少小📸都可以保持脆口。日式紅豆唔會煮到爛晒，反而保留粒粒紅豆口感，紅豆粒粒大粒算係優質貨。🩷💚🤍日式三色小丸仔令到成個甜品更加靚之餘，多
香港咖啡店探店時間又到了，今次帶大家去西環，呢度咖啡店林立，所以隱藏好多優質小店。
☕️拿鐵咖啡 (堅果味) $41
🤎House blend (Nutty)
Brazil + Colombia
超可愛機械浣熊，睇得出咖啡師有心機，每次都拉唔同圖案俾客人，支持！
除咗拉花味道都好緊要，呢杯飲落去好順滑，甜感滿滿，飲到咖啡焦糖朱古力味道之餘唔會苦澀，所以都幾啱我口味。
🍇美式咖啡 (水果味)（單品豆）$42
SOE Ethiopia Natural
屬於一杯複雜的日曬豆咖啡，熱飲一入口偏苦，擁有香甜提子乾味，初初以為經過雙重發酵，凍飲之後酸味就會慢慢出返嚟，似返一隻埃塞俄比亞豆，果香滿滿。
💚🥗牛油果煙三文魚沙律 $109
份量超多，一個人食唔晒，🥗沙律菜都新鮮，入面仲隱藏咗杏仁nuts同提子乾，仲加咗碎芝士，麵包都香脆，牛油果啱啱熟，三文魚唔會過鹹，呢個係配料豐富嘅健康之選！
🎏抹茶紅豆可頌窩夫 🧇$109
窩夫都好香脆，上面加咗白糖霜，仲食到加咗少少煉奶，要讚嘅窩夫擺得耐少小📸都可以保持脆口。
日式紅豆唔會煮到爛晒，反而保留粒粒紅豆口感，紅豆粒粒大粒算係優質貨。
🩷💚🤍日式三色小丸仔令到成個甜品更加靚之餘，多咗煙靭口感，仲配搭香甜嘅抹茶雪糕，食完超幸福。
「甜品偏甜是正常的」
但我個人怕甜，好彩配搭咗香濃抹茶醬，微苦抹茶醬可以中和甜味，令到整體更平衡。
✨咖啡店交通超方便，一出地鐵站就望到，咖啡師超nice，可以再戰！
🤎Coffee by Zion (西環)
📍西環西營盤第一街83號地下1號舖
-
張貼
