德意餐廳 (已結業)

門面用上藍色非常養眼，睇返餐牌，二人餐都幾抵食，就決定喺裏面享用晚餐！用QR code自助落單，非常方便快捷！餐湯同餐包～兩者都別有心思，蘑菇湯裏面嘅蘑菇粒，相信係原粒即打！既有咬口亦夠香濃，餐包係蒜蓉餐包，有烤過，既有焦香亦非常入味👍🏻士多啤梨梳打～香甜嘅士多啤梨味，配上有汽嘅梳打水，香香甜甜，非常易入口，而且夠晒消暑！西瓜沙冰～夏天必定鍾意涼浸浸嘅沙冰，配上西瓜呢個清爽口味，真的十分喜愛。德國鹹豬手~外皮非常香脆，原隻自己切，聲音非常療癒😌尺寸頗大，而且啖啖肉😋口味方面，配有兩款醬汁及兩款配菜，前後有四個配搭，每一個都非常不俗，個人比較喜歡芥辣醬😊三文魚pizza～三文魚份量算幾多，而且餅底厚薄適中！即叫即整，熱辣辣！非常滿意🤗Tiramisu～層次分明，有香濃嘅咖啡味，口感非常滑溜