Bugis@叻沙・海南雞飯 (已結業)

今日去左食新加坡菜, 見呢間餐廳都有唔少分店, 價錢都唔算太貴, 就入去試下, 想搵返之前喺新加坡食野嘅味道! 男朋友叫左海鮮叻沙摻摻, 其實就係海鮮laksa, 材料份量都幾多, 海鮮有青口同蝦, 另外仲有豆卜, 肉丸同魯蛋! 要講嘅係D蝦幾入味, 有哂叻沙湯嘅味道, 叻沙食落椰子味幾濃加少少辣味,不過整體就有少少偏淡 (比起新加坡食嘅叻沙)。 不過勝左材料同份量都幾多, 而且D材料都幾夠味同大份!我叫左新加坡無骨海南雞飯, 因為我只係食雞胸嘅關係就叫佢轉左做雞胸 (不過要加10蚊!),因為加左錢轉雞胸嘅關係, 又真係成碟雞胸啖啖肉! 雞味唔算太重, 不過配三色醬食就OK, 三色醬汁唔算太特出, 酸辣醬同薑蓉味道可以但唔算太重, 配飯食唔錯! 另外, 就係個湯,要讚嘅係佢唔係味精湯, 飲落淡淡清清地, 飲完唔會口渴! 至於飯, 因為果日冇哂油飯, 得返白飯, 可能好普通無咩特別!飲品我地叫左一杯黑糖珍珠豆漿, 我第一次飲黑糖珍珠配豆漿, 味道都唔錯, 黑糖同豆漿都幾夾, 而珍珠就嫌無咩咬口, 好軟好淋溶哂咁 (唔知關唔關我地叫左熱飲事)!