樂園魚蛋粉

營業中

休息中

早左出門口又無食早餐，到食晏前已經肚餓。所以就食啲粉麵頂一頂肚先😂😂。未到12點，但都好滿人。不過等一陣就入得了🥰。啱啱走咗一轉人，就到我哋入去了。餐牌主打粉麵，但原來飯都有唔少。見佢仲有啲推介既新野添！最後叫咗個牛腩雲吞河同新嘅黃金墨魚春卷加韮菜餃河。先黎兩杯凍奶茶，茶味香濃又唔會太苦澀，夏天一飲個人都涼翻晒🥰。春卷韮菜餃河，啲春卷同水餃都大大件，好扺食！春卷入面有粟米同馬碲粒，仲有啲彈牙既墨魚粒，好好味😍。水餃皮滑，入面好重韮菜味，好香好好味。牛腩河又濃濃既牛腩湯底，所以啲粉都好有牛腩香味。呢度啲牛腩係最出色，肉味香濃，咬落又夠淋重要唔黐牙。仲要有少少肥連住，食落連埋啲油香😋😋😋。雲吞有大大隻蝦，好滿足😊。食完夠哂飽，又可以繼續行街😂。