影片
更多
2018-08-21
52 瀏覽
成日覺得係日本是但行入一間拉麵舖都會好好食，估唔到喺大埔誤打誤撞發現一間價錢平民又好食嘅拉麵小店，拍得上日本拉麵舖。店內裝修唔算太過精緻，但勝在坐得舒服，環境都算舒適。呢度嘅午市套餐非常抵食，唔使加一之餘仲包埋嘢飲同埋小食。我叫咗個香滑豚骨原味拉麵，配日式煎餃子。枱面上亦有芝麻同埋辣芽菜俾大家調味，非常細心。值得一讚嘅係店內上菜速度非常之快，落完單唔使點等就有得食。湯底有濃厚嘅豬骨味道，鍾意食再濃啲嘅可以選擇佢嘅特濃湯底，而香滑湯底對我來講就啱啱好，唔會食完覺得好口渴。入面配有兩舊叉燒，肉質幾嫩滑，最緊要係肥厚適中，唔會好韌或好膩，好想食多幾舊博多拉麵通常都係用細麵，我選擇嘅硬度係普通，呢碗麵保持到細麵稍為有啲硬嘅口感。我對呢碗麵嘅叉燒，湯底同埋細麵都非常滿意。跟餐嘅餃子外皮煎得相當香脆。最後仲附上檸檬蜜糖作為飯後嘅小甜點
店內裝修唔算太過精緻，但勝在坐得舒服，環境都算舒適。
呢度嘅午市套餐非常抵食，唔使加一之餘仲包埋嘢飲同埋小食。我叫咗個香滑豚骨原味拉麵，配日式煎餃子。
枱面上亦有芝麻同埋辣芽菜俾大家調味，非常細心。
值得一讚嘅係店內上菜速度非常之快，落完單唔使點等就有得食。湯底有濃厚嘅豬骨味道，鍾意食再濃啲嘅可以選擇佢嘅特濃湯底，而香滑湯底對我來講就啱啱好，唔會食完覺得好口渴。入面配有兩舊叉燒，肉質幾嫩滑，最緊要係肥厚適中，唔會好韌或好膩，好想食多幾舊博多拉麵通常都係用細麵，我選擇嘅硬度係普通，呢碗麵保持到細麵稍為有啲硬嘅口感。我對呢碗麵嘅叉燒，湯底同埋細麵都非常滿意。
跟餐嘅餃子外皮煎得相當香脆。
最後仲附上檸檬蜜糖作為飯後嘅小甜點
張貼
