家賀屋

銅鑼灣日本餐廳，裝修新淨空間感幾大，可以望住繁忙嘅銅鑼灣街景。前菜走肴三味，有牛蒡，醃製嘅蒜頭及青瓜，開胃一流又送酒。阿邦尾酢橘雞腎串，勁爽脆有口感。而阿邦酢橘雞胸脆骨串，脆骨好有嚼勁，邊位有雞肉香。阿邦尾酢橘雞心串，切開薄薄地一塊，特別入味。炸三文魚皮，香脆得來帶點煙靭，特色的送酒菜鹽燒金目鯛魚鮫，外皮焦香，魚頭依然有肉汁，魚肉細嫩又有油香。彩虹壽司卷，有吞拿魚，帆立貝，赤貝，左口魚邊，三文魚及真鯛，各種材料都好新鮮，魚肉非常鮮味，中間有牛油瓜，口感更香滑。熊本刺身定食，有三種刺身及生蝦，每一片都切得好厚身，味道鮮甜，定食仲有沙律，蒸水蛋及麵豉湯，非常之豐富。呢度啲啤酒$58一杯，仲要係大杯，適合飲下酒吹吓水。