影片
更多
2024-03-28
311 瀏覽
今日同朋友去咗i square睇戲 睇完就緊係會肚餓啦 岀面天氣咁熱都唔唔想走來走去 所以都決定留喺商場入邊食嘢 行過幾間就見到星怡呢間餐廳 入面都幾多人 根據餐廳定律入邊多人通常冇伏 所以就入咗去試吓😋坐低職員嘅服務態度10分好 唔會西口西面，亦都唔會催你落單。咁我哋睇咗一輪之後就叫咗黑松露煎鮑魚，娘惹炒蘿蔔糕，福建炒麵同埋一個喇沙。嘢食好快就送到 第一個就係喇沙 未食麵之前飲一啖湯 味道足夠唔會淡茂茂。 再試吓個面 亦都有咬口 唔會煮到腍晒。我哋個喇沙係配安格斯肥牛 魚蛋同埋魚片頭 個肥牛，食得出真係有牛味 唔係普通街邊嗰啲，而佢個魚蛋同埋魚片頭都好好食 魚蛋好彈牙 魚片頭唔會好淡，亦唔會好鹹 如果大嚿啲仲好。👅跟住嚟嘅就係炒蘿蔔糕。蘿蔔糕色水好夠 熱，調味都好充足。有時候出面嘅蘿蔔糕會炒到一邊有味一邊無味 而呢一碟完全冇呢個問題。 食食吓一個炒麵都到咗 呢個係濃湯福建炒麵 所以佢唔同港式炒麵 係濕濕地。不過雖然係咁 佢亦都好香 10分足料。有蝦 帶子 蜆仔 肉片，絕不欺場，配埋佢嘅辣椒醬，將個麵提升咗一個層次。👍🏻壓軸出場嘅就當然係黑松露煎鮑魚 首先值得一讚嘢係佢將鮑魚甩咗殼，再
坐低職員嘅服務態度10分好 唔會西口西面，亦都唔會催你落單。咁我哋睇咗一輪之後就叫咗黑松露煎鮑魚，娘惹炒蘿蔔糕，福建炒麵同埋一個喇沙。
嘢食好快就送到 第一個就係喇沙 未食麵之前飲一啖湯 味道足夠唔會淡茂茂。 再試吓個面 亦都有咬口 唔會煮到腍晒。我哋個喇沙係配安格斯肥牛 魚蛋同埋魚片頭 個肥牛，食得出真係有牛味 唔係普通街邊嗰啲，而佢個魚蛋同埋魚片頭都好好食 魚蛋好彈牙 魚片頭唔會好淡，亦唔會好鹹 如果大嚿啲仲好。👅
跟住嚟嘅就係炒蘿蔔糕。蘿蔔糕色水好夠 熱，調味都好充足。有時候出面嘅蘿蔔糕會炒到一邊有味一邊無味 而呢一碟完全冇呢個問題。 食食吓一個炒麵都到咗 呢個係濃湯福建炒麵 所以佢唔同港式炒麵 係濕濕地。不過雖然係咁 佢亦都好香 10分足料。有蝦 帶子 蜆仔 肉片，絕不欺場，配埋佢嘅辣椒醬，將個麵提升咗一個層次。👍🏻
壓軸出場嘅就當然係黑松露煎鮑魚 首先值得一讚嘢係佢將鮑魚甩咗殼，再切成可以一啖放入口嘅size，好似鐵板燒咁嘅食法。食得出用咗好多牛油同埋黑松露去煎 調味都好夠。值得再嗌。
嗌咗成四樣嘢食到飽到上心口，不過每樣都好正，完全冇後悔話嗌多咗。總括嚟講如果下次喺附近真係有機會再幫襯，可能會再試吓佢其他嘅煎海鮮！
張貼
