泰聚

營業中

休息中

今日Duck哥🦆同阿仔去咗太子食泰國菜，餐廳名叫泰聚 @thai.gather.hk ，食完後Duck哥🦆覺得可能係近年食過最出色嘅泰國菜😍。店舖裝潢簡約乾淨，竹籠罩燈飾，增添泰國風格🇹🇭，座位舒適，空間感足，感覺好chill🥰。酸辣青檸鮮魷魚 $238原條新鮮魷魚🦑加入高湯、大量香料、青檸汁及辣椒🌶一齊煮，魷魚鮮香彈牙，味道酸辣惹味，醒胃又好食。值得一讚係呢碟菜式連明爐上枱🔥，用細火保持溫度，令食味更佳。炸蝦餅 $98蝦餅炸得香口乾身，蝦味鮮香，口感彈牙😍。原個菠蘿炒飯 $138飯底炒得香口乾身，加上豐富嘅配料，有蝦🦐、魷魚🦑、青口🦪、新鮮菠蘿肉🍍、提子乾🍇及青豆，味道微酸香甜又清新。另送上小碟炒香嘅腰果及肉鬆，食客可按個人喜好添加入飯中，令食味更加豐富香口🥰。三色香芒糯米飯 $68芒果🥭新鮮香甜，糯米飯有3️⃣種口味：原味、蝶豆花及班蘭味，味道各具特色，口感軟糯香甜，蘸上甜中帶咸的椰漿，真係好食到停唔到口🥰。