栢檔極品海南雞飯 (已結業)

食左幾日屋企飯，突然想轉口味食d東南亞野，經過見到有間海南雞餐廳，價錢都幾平，所以試下。臨近食飯時間，全場坐滿人。由於太肚餓，我地坐低就叫左1人套餐，海南雞飯，包無味精南瓜粟米蘿蔔湯和時菜。上菜都幾快，5分鐘左右就有得食。海南雞我地轉左要脾，入口十分嫩滑👍🏻，配合豉油同酸辣醬食味道一流，湯足料清甜，似屋企煲既味道。另外叫左份海南雞喇沙，椰香同辣味與米粉油麵好夾，雞蛋同豆卜都入味❤️。肉骨茶湯中見到有龍眼肉同少少藥材，飲落清甜。滷燒豬頸肉十分有驚喜！新鮮烤好，外皮香脆，份量多，味道不比海南雞遜色😍。魚香肉餅上到黎都仲係好熱同香脆，呢個小食外面餐廳比較少見，頗特別值得一試。最後叫左馬來西亞白咖啡作總結，又是簡單而幸福的一天☺️